Wednesday, March 17, 2010

Gibangon Nya Ako

Gugma’g kalooy ni Jesus,
Nagbawi sa akong kalag;
Ug gikan sa pagkapukan
Gibangon Niya ako.

KORO:

Gikan sa yanang sa sala
Ako gikuha ni Jesus
Gikan niadtong kadulom
Ni Kristo giagak ako.

Dugay Siya nga nagtawag
Samtang ako nasalaag,
Ug sa mingtoo na ako,
Iyang gipasaylo.

Gikoronahan sa tunok,
Gidupa ug gitamay S’ya;
Ning kasakit nga mabangis
Giluwas Nya ako

Buksi Ang Mata Ko

(Open My Eyes, That I May See)

Ang mata ko hayagan Mo,
Sa matuod patan-awon,
Yawi sa kaluwasan ko,
Hatagan Mo ako karon.
Naghulat ako O Dios,
Sa kabubut-on Mo karon;
Ang mata ko hayagan Mo, Ginoo ko!

Dalunggan ko ablihan Mo,
Sa matuod pabation
Dayon mawalang dautan
Kon hidunggan ang tingog Mo,
Naghulat ako, O Dios,
Sa kabubut-on Mo karon;
Dalunggan ko ablihan Mo, Ginoo ko!

Baba ko pasultihon Mo,
Sa Imong pulong matam-is,
Ang kasingkasing ko andam
Sa Imong gugma pasudlan.

Nagahulat ako O Dios,
Sa kabubut-on Mo karon;
Ang kasingkasing ablihi, Ginoo ko!

Nadungog Ko Nga Gibobo

Nadungog ko nga gibobo,
Ang way bayad grasya Mo,
Sa malang yuta gihatag,
Gahini ako, Jesus.

KORO:

Ug ako, Oh Jesus,
Panalangini ako.

Bisan ug makasasala,
Dili Mo pagbiyaan ;
Mahimo Imong biyaan,
Apan kaloy-i ako.

Dili Mo ako pasagdan,
Kanimo uban ako;
Gugma Mo gihandum nako,
Tawgon Mo usab ako.

Diosnong gugma di mabalhin,
Dugo ni Jesus mahal,
Way sukod Iyang kalooy,
Saksi ning tanan ako

Pagkalalum Sa Kalooy

Unsa Nga Pagkalalum
Ang kalooy ni Jesus!
Mapasaylo ba ako
Nga malinapason man.

Dugay Sya ginasubo
Tungod sa gibuhat ko!
Wala ko pamatia
Iyang mga pagtawag.

Maloloy-on si Jesus,
Gipasaylo na ako!
Ang silot nga angay ko
Iya man gikuha na.


Gisamaran si Jesus,
Tungod sa akong sala!
Bisan ginasakit Sya,
Gugma Nya ako pa

Kanimo, Oh Jesus, Mito-o Ko

My Faith Looks Up To Thee
Sheet Music

Kanimo, Oh Jesus
Cordero Ka sa Dios, Mitoo ‘ko ;
Pamatia ako. Papasi sa sala,
Himoa ko karon Imo gayud.

Kon may kaluya ‘ko.
Dasiga. Oh Jesus, Sa grasya Mo :
Sa paghinumdum ko, Sa kamatayon Mo.
Hinaut gugma ko, Magdilaab.

Sa mga kagubut,
Sa mga kaguol Ikaw’ng suga ;
Hayag ang kangitngit, luha pahiran Mo,
Oh bantayi ako, Ginoo ko!

Sa akong pagtabok,
Sa halalum suba, Kupti ako;
Tanang kahadlok ko, kuha-a Ginoo;
Kugoson Mo ako Sa Himaya.
A-men

mp3


Gikinahanglan Ka (I Need Thee Every Hour)


Gikinahanglan Ka,
Matam-is kong Jesus;
Malomong tingog Mo,
Kalinaw ko.

KORO:

Akong gikinahanglan
Sa tanang panahon;
Ako panalangini
Moduol ako.

Bililhon kong Jesus,
Padul-an Mo ako;
Pagtintal way gahum
Sa luyo Mo.

Gikinahanglan Ka,
Tudloan Mo ako
Aron ang saad Mo
Matuman gayud.

Gikinahanglan Ka,
Balaan nga Jesus;
Imoha na ako,
Anak sa Dios

Sheet Music
mp3
Voice Parts (SATB) 


Manluluwas Ko Nagmando

Manluluwas ko nagmando, unsa pay hangyoon ko?
Duha-duhaan ba nako ang pagtultol nga dayon?
Ang langitnong pakigdait akong kuptan man karon,
Kay hingsayran ko sa hingpit nga matarung si Jesus;
Kay hingsayran ko sa hingpit nga matarung si Jesus.


Manluluwas ko nagmando, malipayong dalan ko;
Grasya ginahatag Niya ug kalan-on sa kalag.
Bisan lawas ko magluya ug kalag ug uhawon,
Sa bato akong makita ang ilimnon nagtubod;


Manluluwas ko nagmando, Iyang gugma hingpit man:
Gisaad Nya kanako Puluy-anang matahum,
Kong moadto na sa langit,Sa himaya nga dayon:
”Ug kini akong awiton, Nga nagmando si Jesus. Amen

Si Jesus Atong Abyan

What a Friend We Have in Jesus
Sheet Music

Si Jesus ang atong Abyan,
Sa sala ta nagpas-an ;
Ang tanan mahimo nato
Sa pag-ampo kang Jesus.
Ang kalinaw ta mahanaw,
Ang kasakit modako,
Kay dili kita kanunay
Magaampo kang Jesus.

Kon adunay kalisdanan,
Pagpanulay, kaguol,
Di kita magamaluya,
Kang Jesus ig-ampo ta.
Abyan Syang matinumanon,
Sa kasakit modala,
Sa kaluya ta nasayod;
Ampoan ta si Jesus.

Kung maluya ang kalag ta,
Natugob sa kaguol,
Sya ang atong Dalangpanan,
Magaampo kang Jesus.
Kung sa atong mga abyan,
Ginatamay man kita;
Modangop kang Jesus lamang,
Magaampo Kaniya

Ang Ginoo Magbalantay Ko

Akong magbalantay mao si Jesus,
Wala nay makulang sa akong kalag;
Ako gitultolan sa lunhaw’ng sibsiban,
Sa tin-aw nga tubig paimnon ako;
Sa paghisalaag papaulion.

Kon sa kawalogan maglakaw ako
Bisan pa sa landong sa lubnganan ko;
Wala koy kalisang kay naa Ikaw
Molig-on kanako sa Imong sungkod,
Molipay kanako sa kaguol ko.

Kon may kalisdanan, Ikaw mag-andam,
Sa talad kanako nga puno sa grasya;
Sa lanang mahumot gihiso ako
Ug ang tagayan ko nagaawas na,
Unsay akong kulang sa Imong gugma.

Itugot Ginoo, ang kalooy Mo,
Ug Imong kaayo magsunod kanako
Hangtud nga makita ang himaya Mo;
Sa human ang panaw ning kawalogan,
Sa ginharian Mo modangat ako

O Malig-on Nga Bato

Rock of Ages
Sheet Music

Oh malig-on nga bato,
Nia ko salipdan Mo,
Kadtong tubig ug dugo
Nga mig’wa sa kilid Mo,
Makapala sa sala,
Ug mahinloan ako,

Sa tanan nga buhat ko
Di matumang sugo Mo.
Pagkamainiton ko,
Mga luha man usab,
Ang tanan di magpulos,
Ikaw rang makaluwas.

Wa gayud akoy dala,
Krus Mo lang ang kuptan ko;
Way mahimo, ug hubo,
Mohangad sa grasya Mo.
Sa tubod hugasi ko
Aron dili mamatay.

Kon ang kinabuhi ko,
Sa layo mopanaw na,
Kon sa taas mokayab
Ngadto sa hukmanan Mo,
Oh malig-on nga Bato,
Nia ko salipdan Mo

Biblia Putling Basahon

Biblia, putling basahon,
Kanako mahal ikaw;
Gisuginlan mo ako
Sa tunay’ng kahimtang ko.

Kon masaag man ako,
Motudlo ka kang Jesus;
Mando ko ug bantay ka,
Moganti kon mohukom.

Sa kasakit mopuypoy,
Ug pag-antus nga tanan;
Sa pagtoo mosugid,
Kamatayon gidaug.

Kalipay sa magsunod,
Ug silot sa sukihan;
Kanako gitudlo mo,
Oh bibliyang mutya gayud

Tuguti Oh Ginoo Ko

Tuguti Oh Ginoo ko,
Sa pag-alagad Kanimo;
Tudloi ko tabangan Mo
Aron tanan maantus ko.

Tabangi nga sa gugma Mo
Mga maluya lig-ona;
Tudloi ko sa pagpugong
Ug sa pagtultol sa nasaag.

Tudloi sa pailob Mo,
Sa pakig-uban Mong mahal;
Hatagi sa kusog ako,
Sa kadautan modaug.

Paglaum nga magpadayag
Sa dalan sa kaugmaon;
Sa pagdait hatagan Mo;
Uban Kanimo. Oh Jesus

Bantayan Ka Sa Dios

Dili ka maguol gayud
Bantayan ka sa Dios;
Sa Iyang gugma pabilin ka,
Bantayan ka sa Dios.

KORO:

Bantayan ka sa Dios,
Tanang adlaw, sa dalan mo;
Bantayan ka sa Dios,
Bantayan ka sa Dios.

Sa panahon sa kalisud
Bantayan ka sa Dios;
Sa katalagman ug kasakit,
Bantayan ka sa Dios.

Sa mga kinahanglan mo
Bantayan ka sa Dios;
Ang panalangin dawaton mo
Bantayan ka sa Dios.

Bisan unsaon ka pagsulay,
Bantayan ka sa Dios;
Kang Kristo lamang mosalig ka
Bantayan ka sa Dios

Kon Manlakaw Kita

Kon manlakaw kita
Uban sa Ginoo,
Mahimayaon ang dalan ta;
S’ya pabilin gayud
Mag-uban kanato
Kon lumaum, tumahod sa Dios.

KORO:

Lauman ta ug tahuron ang Dios
Walay laing mahimo nga igabulahan.

Maitum ang dag-um
Magapandong karon,
Madali Niya nga palaon;
Sa tanang kalisod
Makadaug kita
Kon lumaum, tumahod sa Dios.

Kon motabang kita
Sa atong isigkatawo,
Si Jesus andam sa pagbalos;
Ang tanang kamingaw
Pulos mangahanaw,
Kon lumaum, tumahod sa Dios

Sa Laing Lungsod Ang Puloy-anan Ko

Sa laing lungsod man ang puloy-anan ko,
Diin ang kalipayan ug ang pagdait;
Sinugo man ako sa yutang halayo,
Gikan sa Dios nga Hari ko.

KORO:

Patalinghugan mo karon
Ang mga pulong langitnon;
Bumalik ka sa Dios nga mahigugmaon,
Magpakig-uli ka sa Dios.

Sugo Niya kini. ”Ang mga taw’ng tanan
Managhinulsol na, magbiya sa sala,
Aron ang mosugot Kanako mouban.”
Kini ang tuyo sa Hari.

Ang puloy-anan ko labing mahayag pa,
Kahimayaan Iya sa Ginoo ta;
Pulong sa Hari ko nga didto magpuyo.
Tanang magtuman Kaniya

Si Jesus Nagatawag

Labaw sa tanan nga tingog,
Si Jesus nagatawag;
Malomo ang Iyang pulong
« Kristohanon, kuyog ka. »

Nagtawag si Jesu-Kristo
« Ang bahandi pasagdan;
Mahigugma lang Kanako
Labaw niining tanan.”

Sa kalipay, sa kasakit
Sa kahago, kasayon;
Motawag Sya, ”Kristohanon,
Higugmaon mo Ako.”

Sama sa unang tinun-an
Nanimati kang Jesus,
Puluy-anan gitalikdan
Ug Kaniya misunod.

Ang tawag Nya tubagon ta,
”Pamation ko, Jesus;
Kasingkasing ko ihatag,
Pag-alagad ug gugma

Pamation Ko Jesus

Pamation ko, Jesus, 
Ang tingog malomo, 
Sa dugo nga giula Mo 
Hugasan Mo ako. 

 KORO: 
 Moduol ako Kanimo Jesus, 
Hinloi sa dugo Mo 
Nga halad mo sa Krus. 

 Bisan mahugaw ako, 
Sa sala naputos; 
Kahugaw ko hugasan Mo, 
Maputli na ako. 

 Ginadapit Mo ako 
Sa pakigdait Mo, 
Sa matuod nga paglaum 
Sa gugma man usab

Kanimo Ko Gihatag

Kanimo ko gihatag ang kinabuhi ko
Aron ikaw malukat mabuhi na gayud.
Kini maoy gihatag ko. Unsay gihatag mo?
Kini maoy gihatag ko. Unsay gihatag mo?


Puluy-an kong mahayag, himayang trono Ko.
Gibyaan kong tanan tungod sa nasaag.
Tungod nimo gibyaan ko. Unsang gibyaan mo?


Tungod gayud kanimo daku’ng pag-antos ko.
Mapait ang pagbakho aron maluwas ka.
Akong gipas-an ang tanan. Unsa’ng gipas-an mo?

Gikan sa kalangitan ikaw gidad-an ko.
Kal’wasan nga hupong, pasaylo, gugma ko.
Kanimo ginagasa ko. Unsa ang gasa mo?

Kay Naako Na Si Jesus

May dakong pagkabalhin sa akong kalag,
Kay naako na si Jesus;
May kahayag nga dugay’ng gipangita ko,
Kay naako na si Jesus.

KORO :

Kay naako na si Jesus
(Si Jesus)
Sulod niining dughan ko
(Dughan ko)
Nagbaha ang kalipay sa akong kalag,
Kay naako na si Jesus.

Sa pagkahisalaag mibiya ako,
Kay naako na si Jesus ;
Ug ang daghang sala ko napanas tanan,
Kay naako na si Jesus.

Ang malig-ong paglaum naako gayud,
Kay naako na si Jesus;
Ug nahanaw ang dag-um sa akong dalan,
Kay naako na si Jesus.

Bisan sa kamatayon may suga ako,
Kay naako na si Jesus;
Ang ganghaan sa langit hingkit-an ko man,
Kay naako na si Jesus

Duol Kamo Nga May Kamingaw

Duol kamong tanang may mga kamingaw,
Dangup na kang Jesus nga magluhod;
Kanya isumbong mong imong pagbakho,
Way kasub-anan nga di mahupay.

Ang mga nagsubo, adunay kalipay,
Sa paghinulsol Sya ang paglaum;
Atong mabati na ang Maglilipay,
Way kasub-anan nga di mabulong.

Buhing kalan-on ta, nag-agay’ng tubig
Gikan sa tronong langitnon sa Dios;
Duol sa gugma Nya ug ang inyong sabton,
Tanang kasakit papason sa Dios

Si Jesus Ang Maayong Abyan

Si Jesus ang maayong abyan,
Kung dangaton ka sa kaguol ;
Kasingkasing masubo,
Paglipayon man ikaw,
Si Jesus ang maayong abyan.

KORO:

Jesus ang maayong abyan,
(Abyan man Siya)
Jesus ang maayong abyan ;
(Abyan man Siya)
Andam Siya sa pagtubag
Kun ikaw magatawag
Si Jesus ang maayong abyan!

Daw unsang abyan S’ya kanako!
Sa pagdait ako gidad-an;
Sa gamhanang bukton N’ya
Wa akoy kahadlokan:
Si Jesus ang maayong abyan

Bisan Kinsay Buot

Ang nakadungog, magtug-an gayud
Sa Diosnon nga pulong alang sa tanan;
Malipayong pulong imantala na:
”Bisan kinsa, sumunod.”
KORO

Kinsa ang buot! Kinsa ang buot!
Imantala sa bisan di-ing dapit;
Ang malomong Amahan, nagatawag:
”Bisan kinsa, sumunod.”

Dili na maglangan sa pagduol;
Pultahan binuksan, sumulod ka na;
Ang bugtong ug buhing dalan, si Jesus:
”Bisan kinsa, sumunod.”

”Kinsay mobuot?” malig-ong saad,
Kung magapadayon sa pagtoo Nya:
”Kinsay mobuot mabuhi man gayud:
”Bisan kinsa, sumunod

Sa Manunubos Duol Kamo (Come To The Savior)

Sa Manunubos duol kamo, 
Kini mao ang pulong Niya; 
Malumong tingog nagatawag, 
"Duol kamo karon." 

 Koro: 
Malipayon ang pagtigum ta, 
kong maputli gikan sa sala 
Ug didto magatigum kita 
Sa Iyang puluy-an. 

Ang Iyang pulong matngonan mo, 
Sa malipayon sundon Siya. 
Siya himoong pinili Mo, 
"Duol kamo karon." 

Nia uban kanato karon, 
Sugo ni Kristo tumanon ta; 
Malomong tingug nagatawag. 
"Duol kamo karon"

Sheet Music
mp3


Akong Tanan Itugyan Ko



Akong tanan itugyan ko,
Kay abyan sa batan-on Ka;
Karon Imohon na gayud,
Moanhi ko Jesus.

Karong batan-on pa ako,
Mabaskug ug maputli pa;
Sa pag-alagad kang Jesus,
Moanhi na ako.

Buntag sa adlaw ko sayo,
Maoy subayon ko gayud,
Sa pag-alagad nga hingpit
Busa, nia ako.

King kabatan-on ug kusog
Ug tanan nga mahimo ko,
Tungod sa kamatuuran
Ihalad ko Jesus

Ingon Ning Kahimtanga Ko

Ingon ning kahimtanga ko,
Walay arang mamahimo;
Apan dugo giula Mo
Ug ginadapit Mo ako.

Ingon ning kahimtanga ko,
Sa kasamok gilibutan,
Ako kanimo modangop
Aron tabangan Mo ako.

Kanimo lamang hipalgan
Ang mga kinahanglan ko;
Busa pagabuhaton ko
Ang pagpangita Kanimo

Adunay Sa pultahan

Dunay tawo sa pultahan, Pasudla!
(Pasudlon nimo, Manluluwas mo!)
Kaniadto didto man, Pasudla!
(Pasudlon nimo, Manluluwas mo!)

Buksing kasingkasing mo
Samtang nga anaa pa
Si Jesus, Anak sa Dios! Pasudla!
(Pasudlon nimo, Manluluwas mo!)

Buksing kasingkasing mo, Pasudla!
(Pasudlon nimo, Manluluwas mo!)
Ayaw paglanganlangan, Pasudla!
(Pasudlon nimo, Manluluwas mo!)
Siyang Higala mo gayud,
Ang motabang sa kalag,
Ang mobantay kanunay! Pasudla!
(Pasudlon nimo, Manluluwas mo!)

Pamatia na karon, Pasudla!
(Pasudlon nimo, Manluluwas mo!)
Malumo ang tingog Nya! Pasudla!
(Pasudlon nimo, Manluluwas mo!)
Naa Sya sa pultahan
Sa paglipay kanimo ;
Pilion Mo Siya dayon! Pasudla!
(Pasudlon nimo, Manluluwas mo!)
Amen

Nagsangpit Si Jesus Kanimo

Nagtawag si Jesus-Kristo kanimo
Sa pulong maluloy-on,
Sa pultahan sa imong kasing-kasing
Nagahulat Sya karon.

KORO:

Ngari kamo,
Mga maluya kamo!
Nagtawag si Jesu-Kristo kaninyo,
”Duol kanako karon.”


Ngano ikaw nga magalanganlangan
Sa pagdawat Kaniya?
Ngano nga dili ikaw manimati
Sa tingog Niya karon?

Kahibulongan ang gugmang gisaad,
Alang kanatong tanan;
Bisan kita dakung makasasala,
Pasayloon ta Niya

Maoy Panahon Karon

Sa pag-ampo sa tanan
Alang sa imong kalag,
Gitawag ka ni Jesus,
Nga moduol Kaniya.

KORO

Ngano man, ngano man,
Nga dili ka moduol?
Ngano man, ngano man,
Nga dili ka moduol?

Nahisalaag ikaw,
Duol sa walay langan;
Mohangad ka kang Jesus,
Sa kalipay mohatag.

Dinhi dili mo hipalgan
Ang kalinaw sa kalag,
Ang pagtoo kang Jesus
Sa kalipay mohatag.

Duol na kang Jesu-Kristo
Ang sala isugid mo;
Mopasaylo Sya kanimo
Ug gihapon magbantay

Maoy Panahon Karon

Sa pag-ampo sa tanan
Alang sa imong kalag,
Gitawag ka ni Jesus,
Nga moduol Kaniya.

KORO

Ngano man, ngano man,
Nga dili ka moduol?
Ngano man, ngano man,
Nga dili ka moduol?

Nahisalaag ikaw,
Duol sa walay langan;
Mohangad ka kang Jesus,
Sa kalipay mohatag.

Dinhi dili mo hipalgan
Ang kalinaw sa kalag,
Ang pagtoo kang Jesus
Sa kalipay mohatag.

Duol na kang Jesu-Kristo
Ang sala isugid mo;
Mopasaylo Sya kanimo
Ug gihapon magbantay

Si Jesus Nagtawag Karon

Si Jesu-Kristo nagsangpit karon:
Sa puloy-anan bumalik ka;
Nganong moadto ka sa halayo,
Gikan sa gugma Niya?

KORO

Nagatawag
(Si Jesus nagasangpit na)
Na si Jesus
(Si Jesus nagasangpit na)
Sya sa malomo
(Si Jesu-Kristo nagasangpit karon)
Nagasangpit kanimo karon.


Si Jesu-Kristo karon nagtawag,
Tagdon mo Sya tagdon mo Sya;
Dad-a kaniya Kaniya ang gipas-an mo,
Ug papahulayon ka.

Si Jesu-Kristo karon naghulat,
Magdali ka sa pagduol;
Dad-a Kaniya ang imong sala,
Sa tiil Niya hapa.

Si Jesu-Kristo naghangyo karon,
Pamatia ! Pamatia !
Sa Iyang ngalan tumoo ikaw,
Pagalipayon ka man

Si Jesus Akong Nadungog

Si Jesus Akong Nadungog

Si Jesus aching nadungog:
“Duol pahulay ka;
Pauraray sa dughan ko;
Dakung kakapoy mo.”
Kang Jesus miduol ako,
Luya masulob-on;
Gipapahulay Nya ako
Ug may kalipay na.


Si Jesus akong nadungog:
”Kung giuhaw ikaw;
Ang buhing tubig nia na;
Imna mabuhi ka,”
Kang Jesus miduol ako,
Sa tubig miinom:
Natagbaw ang uhaw dayon,
Iya karon ako.

Si Jesus akong nadungog:
“Ako kahayag mo;
Tan-aw kanako kanunay:
May dan-ag nga dayon.”
Ako mitan-aw kang Jesus,
Siya ang bitoon ko:
Ang Iyang dan-ag maglakaw
Sa tanang panaw ko

Ako Nagaampo Tungod Kanimo

May manluluwas ako nga nag-ampo,
Siya ang mahigugmaong higala ko:
Karon usab gibantayan ako Niya
Hinaut nga Sya unta maimo man.

KORO

Ako nagaampo tungod lang kanimo
Ako nagaampo tungod lang kanimo.

Duna akoy Amahan nga kanako
Sa hingpit nga paglaum nagahatag,
Unya kong sa langit ako Niya tawgon.
Hinaut unta nga makauban Ka.

Kung ni Jesus na Ikaw igakita,
Suginling uban Sya Manluluwas mo;
Unya igaampo nga sa himaya
Sila nga tanan ni Jesus madala

Jesus Ikaw Nagtindog

Jesus, Ikaw nagtindog gawas sa pultahan,
Nagahulat Ka didto, kung pagaablihan;
Kristianos ginatawag kita sa ngalan N’ya,
Kaulawan kita kung pasagdan ta Siya.

Jesus, Imong gituktok ang samdon Mong kamot.
May purong Ka sa tunok, luha sa nawong Mo;
Dili hilabwang gugma, pailub nga tunay,
Hilabihang sala ko sa dughan naglukob.

Jesus, Ikaw naghangyo, malomong tingog Mo,
“Anak ko, hinuklogi ang kamatayon Ko”
O Dios, kami nagbasol; pasudlon na Ikaw
Daygon Ikaw Ginoo, ug bantayi kami

Suga Sa Tanan Si Kristo

Ang tanan nausik tungod sa sala;
Suga sa tanan si Kristo!
Masigang himaya Niya, daw adlaw
Suga sa tanan si Kristo!

KORO

Duol sa suga, nangawala!
Kanhi ako buta man gayud,
Apan karon makakita na.
Suga sa tanan si Kristo.

Walay kangitngit sa Iyang luyo;
Suga sa tanan si Kristo!
Mahayag ang dalan kung sundon Siya,
Suga sa tanan si Kristo!

Kamong gibutaan tungod sa sala,
Suga sa tanan si Kristo!
Manghugas aron madan-agan kamo
Suga sa tanan si Kristo!

Ang adlaw sa langit di na magpulos;
Suga sa tanan si Kristo!
Kordero sa Dios didto maoy Suga,
Suga sa tanan si Kristo!

Magpakatawo Pag-usab

Dihay miduol kang Jesus sa gabii
Sa pagpangutana sa kaluwasan,
”Sa kamatuoran” nag-ingon Siya,
”Magpakatawo’g bag-o.”

KORO

Magpakatawo pag-usab!
Magpakatawo pag-usab!
Sa pagkamatuod nag-ingon Siya:
”Magpakataw’g bag-o.

O mga anak sa katawhan, kamo
Pamati sa mga pulong ni Jesus;
Ang tambag di unta magwalay pulos ;
« Magpakataw’g bag-o

O Malipayong Panahon

O malipayong panahon Pagpili ko sa akong Dios;
Dakong kasadya nako nga imantala sa tanan.

KORO:

Palaran! Palaran! Adlaw sa kaluwasan ko!
Gitudloan ako Niya Sa paghigugma sa tanan.
Palaran! Palaran! Adlaw sa kaluwasan ko!

O paghiusang malig-on Sa akong gugma kang Jesus,
Pun-on ang Iyang simbahan Sa alawitong langitnon.

Ang dakung buhat tapus na Sa Dios inubanan ako,
Iyang pagmando sundon ko, Kay Sya nagdawat kanako.

Pahulay na akong kalag, Ning akong kabulahanan;
Ug kang Ginoong si Jesus Dili gyud mobulag ako

Ginahigugma Ko Ang Iglesya

Ginahigugma Ko Iglesya Mo, oh Dios,
Nga gilukat sa Ginoo Sa giulang dugo.

Sa gugma kong bug-os Sa luha ingon man,
Halaran Ko sa gihapon Sa kinabuhi ko.

Gihandum ko gayud Ang mga gawi N’ya.
Ang pakig-ambit pagdait Ug mga saad Nya.

Iglesya Mo Oh Dios, Hatagan Sya gayud
Sa yutan-on ug langitnong Himaya nga dayon

Bulahan Ang Higut

Bulahan ang higut Kanato naghugpong,
Ang pakig-ambit sa pagtoo Sama sa langitnon.

Mag-ampo tang tanan Sa Dios gitugyan ta;
Mga paglipay, kaguol, paglaum giusa.

Sa bakho ug lu’wan Nag-inunungay ta;
Masabog alang sa uban Ang luha nagbaha.

Kong managkabulag, Magsubo man kita;
Apan sa kasingkasing ta Gihapon giusa

Mahigugmaong Jesus

Mahigugmaong Jesus, Padangpa sa dughan Mo,
Samtang nga nagaunos, Naghuros ang bagyo pa
Manunubos, salipdi Hangtud nga malinaw na;
Sa piliw, kong umabot Ang kalag ko gakson Mo.

Bugtong salipdanan ka Sa maluya kong kalag;
Dili pagbiyaan Mo, Ang kalig-on ihatag.
Gitugyan pagsalig ko Sa pagtabang Mo Jesus;
O tabuning ulo ko Sa gamhanang bukton Mo.

Ikaw gihigugma ko Labaw nga makatagbaw,
Bulnga ang nagadaut, Ang maluya lig-ona.
Sala ko dagku gayud Ug mahugaw king kalag;
Putli ug matarung Ka, Balaan ang ngalan Mo.

Ang sala gihugwas man Sa dagayang grasya Mo;
Ang bulahang tubig Mo, Makatagbaw ning kalag.
Buhi Ka nga tuburan Paimna ako gayud,
Ug sa kasing-kasing ko Paagaya, Oh Jesus

O Jesus, Panalangini

O Jesus, panalangini Kami nga mopauli na,
Ug sa gugma Mo hatagi Grasya nga madaugon.

Oh kami magpasalamat Sa maayong balita Mo,
Magdagaya kami unta Bunga sa kaluwasan.

Kong kami Imo nang tawgon Gikan ning kalibutan Mo,
Ikalipay’ng kamatayon Kay Ikaw ang magtawag

Sa Di Pa Kami Matulog

Sa di pa kami matulog,magasugid na kami,
Oh, panalingini, Kristo, Sa sala hinloan Mo.

Bisan pa may kadautan, Katalagman libutan,
Imo man kaming bantayan Ug luwas kong duol Ka.

Ikaw, Dios, di’ masalipdan Sa kangitngit sa gabii;
Ikaw ang dili kapuyan, Pagbantay sa sakup Mo.

Kong kalit nga kamatayon Moabot karong gabii,
Magmata unta sa langit Nga dunay kahayag Mo

Kristo, Usab Sa Ngalan Mo

Kristo, usab sa ngalan Mo, kami
Nag-awit sa among panagbulag;
Managbarog aron dayegon Ka,
Ug naghulat sa Imong pagdait.

Sa pagpauli bantayi kami,
Kuyog kanamo Imong pagdait;
Ug ilikay sa tanan nga sala
Ang mga nagtawag sa ngalan Mo.

Ihatag ning gabii pagdait,
Ug sa kangitngit, iwagi kami;
Sa katalagman l’wasa ang tanan,
Kanimo ang kangitngit hayag man.

Sa kinabuhi namo nga bug-os,
Pagdait Nimo ang makalipay;
Ug kong ang tingog Mo magsangpit na,
Tawga kami sa pahulayan Mo

Ang Dios Magauban Kaninyo

Ang Dios magauban kaninyo,
Iyang tambag magatudlo,
Ang pako Niya mopandong
Ang Dios magauban kaninyo.

KORO:

Sa panahon, sa panahon
Hangtud nga magakitaay ’ta
Sa tiilan ni Jesu-Kristo
Ang Dios magauban kanato.

Ang Dios magauban kaninyo,
Sa tanan nga kalisdanan,
Iyang bukton magasagang,
Ang Dios magauban kaninyo.

Ang Dios magauban kaninyo,
Dad-on bandila sa gugma,
Molatus ang kamatayon,
Ang Dios magauban kaninyo

Pabilin Ka Jesus, Kauban Ko

Pabilin Ka Jesus, kauban ko,
Hingkagabhian karon Ginoo;
O Mananabang tabangi ako.
O maglilipay, ubani ako.

Kalipay nga yutan-on matapos,
Ang kinabuhi ko hamubo lang;
Tanan mabalhin, tanan madunot;
Way pagkabalhin kanimo, Jesus.

Ikaw gikinahanglan ko gayud;
Ang grasya Mo maoy akong kusog,
Kinsa may lain kong dili ikaw,
Nga mouban sa kalisdanan ko?

Iwagi, Kristo, akong nagbaktas
Sa madulom, mapiut nga dalan
Agaka na, tudloi sa langit,
Ug kanako pabilin Ginoo

Hayag sa Adlaw Karon

Hayag sa adlaw karon Sa panan-aw nawala;
L’was sa buhat, kaguol Mangamuyo na ako.

Dios, sa mga mata Mo Way matago nga butang;
Pasayloa sa tanan Mga sayup kon sala.

Kong kanako hapit na Ang kahayag molabay.
Unya sa wa nay sala, Oh Jesus dawaton Mo.

Imo nga hingbaloan Ang kasakit kong tanan;
Ug sukad sa trono Mo, Jesus kaloy-i ako

Salup Na Ang Adlaw

Salup na ang adlaw, Duol nang gabii,
Ug sa kangitngitan Langit tabunan.

Jesus, ang nahago pakatuloga,
Papiyunga uban panalangin Mo.

Ning kagabhion Manulonda Mo
Magabantay nako Sa higdaan ko.

Sa pagbanag-banag, Bangona ako
Way sala, maputli, Sa Imong mata

O Jesus Adlaw Sa Kalag

O Jesus Adlaw sa kalag, Walay gabii kung duol ka;
Unta ang dag-um mawala Aron di’ hisalipdan Ka.

Takna sa pagkatulog ko, Kung mopiyong na ang mata,
Ang katapusang hangyo ko; Pahulaya ko sa dughan Mo.

Sa adlaw ubani ako, Kung wala Ka di’ mabuhi,
Ug sa gabii ubani, Ug wad-on Mo ang kulba ko.

Panalanginan Mo, Jesus, Una nga molakat ako,
Hangtod sa gugma mong lalum Kalipay sa himaya Mo

Adlaw Daw Misalup Na

Adlaw daw misalup na,
Mopahulay ang tanan,
Manag-ampo na kita,
Samtang mga bitoon nagadan-ag.

KORO:

Putli! Putli! Putli!
Dios, Amahan!
Ang katawhan nga tanan,
Yuta, langit ingon man,
Nagday’g sa Dios.

Sa mangitngit nga gabii ang naglukop,
Gugma Mo nagasaysay Sa mga binuhat Mo,
Oh dayong Dios!

Kung talikdan ang tanan, bulan ug bitoon man,
Hinaut nga makita nato ang adlawng dayon, sa himaya

Ning Dominggong Linain

Ning Dominggong linain gidala kita sa Dios,
Pangitaon ta karon panalangin ni Jesus
Adlaw nga ilhanan ta sa pahulay nga dayon
Adlaw nga ilhanan ta sa pahulay nga dayon.

Nagdayeg kami, Oh Dios, magpaduol man Ikaw;
Ipahayag na karon ang dakung himaya Mo.
Amahan patilawa sa kalipay nga dayon
Amahan patilawa sa kalipay nga dayon

Ang gahum sa pulong Mo sa katawhan modaug,
Ug ang grasya Mo, Oh Dios mowala sa kaguol.
Sa kahimtang nga ingon magapadayon kami.
Sa kahimtang nga dayon magapadayon kami.Amen

Sa Pagpamanagbanag

Sa Pagpamanagbanag magasinggit ako,
“Dalaygon si Jesus”
Sa buhat ug pag-ampo sa Dios ako modangup :
Dalaygon si Jesus.

Ang kangitngit modan-ag kung magsangpit kita,
”Dalaygon si Jesus”
Yawan-on nga gahum mahadlok sa pulong
”Dalaygon si Jesus”

Sa langitnong himaya, may awit matam-is,
“Dalaygon si Jesus”
Ang yuta, dagat, langit motubag ang tanan,
“Dalaygon si Jesus.”

Samtang buhi ako, kini ang awit ko,
“Dalaygon si Jesus.”
Sa tuig nga tanan ang alawiton ko,
“Dalaygon si Jesus

Tuesday, March 9, 2010

Kuyog kang Kristo

Kuyog kang Kristo sa pulang kabuntagon.
Sa pagmata sa langgam nga tanan,
Matahum pa kay sa hayag sa adlaw
Ang pagpalandong nga uban Ikaw.

Kuyog kang Kristo ingon sa bag-ong buntag,
Diosnong himaya gihatag sa Dios;
Nagamata ang akong pagbati
Nga labing duol kang Jesus ako.

Kon mopahulayng kalag ko sa kaluya,
Tan-awon ko ang nawong ni Jesus;
Tam-is ang pagpahulay sa kamot Nya,
Labing tam-is nga Sya himat-an ko.

Sa kabuntagon sa akong pagkabanhaw,
Nga walay landong sa pagmata ko;
Labing tahum pa unya kay sa adlaw,
Ang pag-ila nga Sya ang kuyog ko

Pulong Nagpakatawo

Pulong nagpakatawo, Kaalam langitnon,
Kamaatuurang dayon, Suga di mapalong;
Tungod niadtong kahayag Sa kasulatan Mo;
Sulo sa among lakang Dayegon ka, Jesus.

.Ang hatag nga balaan Gikan sa atong Dios,
Mao ang nagasuga Sa yuta nga bug-os.
Ang sudlanang bulawan Sa kamatuuran Mo;
Larawan nga langitnon Sa pulong nga buhi.

Simbahan Mo, himoa nga maoy lampara
Sa tanang mga nasud;
Suga nga matuod: Tultuling masalaag
Kahayag pagdangup;
Ngitngit, gabon mawala.
Kong makita ikaw

Atong Suga Nga Nag-iwag

Atong suga nga nag-iwag, Kong masalaag kita;
Ang tuburan sa kalooy, Imnan sa nagpanaw.


Kalan-on sa atong kalag, Mana nga gikan sa Dios;
Tamdan diin hisayran ta, Ang lungsod langitnon.


Pulong sa usa ra ka Dios; Saad sa Iyang Anak;
Kong dili magatudlo Ka, Ako masalaag. Amen

Patukoranan Sya

Patukoranan Sya sa Iglesya nga putli,
Ang mga batong buhi ginatukod Niya;
Ang templo nga balaan, ang Diosnon nga balay,
Iglesya nga matuod, lungsod nga langitnon,


Pinili Niya sa nasud nga tanan;
Gibayran na ni Kristo, pagkamahal gayud!
Ang Iyang kamatayon maoy buhing lukat.
Sa mga Magtutoo, binugkos sa gugma.


Karon dinhi pagtamay, paglutos, pagdumot;
Sulod ang mga budhi, sa gawas kaubot.
Sa gabii paghilak, sa buntag pag-awit,
Ang kasubo matapos, mahimong kalipay.


Iglesya nga balaan, karon ka maghulat
Sa sulod Pamanhonon nga naga-ingon na:
”Oo, Ako moanhi! Ug magtubag ikaw!”
”Umari Ka, Ginoo, Pagkabulahan ko!”Amen

Sa Talad Mo Jesus

Sa talad Mo Jesus, niining takna,
Pabatia Kami sa gugma Mo;
Ginoo,hinloi kaming tanan
Aron kami mosalo nga takus.


Kining tinapay Mo bendisioni,
Pun-a ang kopa man sa grasya Mo;
Kanimo lamang nangita kami,
Aron makita namong kalinaw.


Ang among pagtoo mahingpit na,
Mawagtang ang mga kaluya ‘sab;
Kay sa tinapay Sa kinabuhi
Kami mangabusog ug maluwas.


Pakan-on Mo kami, Ginoong Jesus,
Sa matag adlaw mandoi usab;
Hupnga na king kalag sa grasya Mo
Aron sa langit modangat kami

Tipkang Tinapay Sa Kinabuhi (Break Thou the Bread of Life)

Tipkang tinapay saa Kinabuhi,
Ingon niadtong Imong pagtipik;
Tudloan Mo ako sa gugma Mo,
Aron Kanimo lang magpuyo ko.


Bendisioni, Jesus, ang pulong Mo,
Ingon didto sa Galilea man,
Sa kasulatan gipangita Ka,
Oh Buhing Pulong ginahandum ko.


Buhing tinapay ko, Ikaw gayud;
Pulong Mo maoy kaluwasan ko;
Unya tanang gapus malugtas na,
Ug ang pagdait Mo madawat ko. Amen


music: https://bit.ly/2NPYD6m

Umari, Oh Espiritu

Umari, Oh Espiritu, Sa bug-os Mong gahum,
Ang gugma padilaaba Kanamo nga tanan.

Ang awit namo kawang lang,Mabugnawng gugma man;
Pagdayeg namo nahilum, Kadaseg napalong.


Oh Dios kanunay ba kami Nga daw himalatyon,
Ang gugma Mo nagdilaab, Amo mabugnawon?


Pun-a Espiritung mahal Sa bug-os nga gahum;
Ipadagayang gugma Mo, Padasiga kami. Amen

Pun-a Na Ako Jesus

Oh Espiritung balaan, Humdang kasingkasing ko;
Hupnga sa pagkabalaan, Duol na ug pun-on Mo.

Koro:

Pun-a na, pun-a na Pun-a na ako Jesus;
Hupnga sa pagkabalaan; Duol na ug pun-on Mo. Amen.

Imo man akong mahupngan, Bisan di hisayran ko;
Ikaw man gikinahanglan Duol na ug pun-on Mo.

Daku ang kaluya nako, Naggayukbo ko karon;
Oh Espiritu nga dayon, Sa gahum pun-a ko

Oh hinloa ug luwasa, Dughan ko hugasan Mo;
Nagalipay, nagluwas Ka, Mahupong ako karon

Espiritu Nga Magmamando

Oh Espiritu sa Dios, akong Magmamando Ka;
Kuptan Mo akong kamot, niining paglakaw ko.
Ang kalag ko nga subo malipayon pagdungog.
Magpapanaw sunda ko sa himaya dad-on ka.


Abyan ug kauban ko sa panahon nga tanan,
Di biyaan Mo ako ning paghisalaag ko.
Kong kusog na ang unos, daku ang kahadlok ko,
Pulong Mo: ”Magsalig ka, kay bantayan Ko ikaw.”


Kong kabudlay tapos na, kang Jesus magahulat;
Magaampo man ako, nga karon tultolan Mo,
Ug kon magtinga ako, Jesus lang paglaum ko;
Pulong Mo: ”Magsalig ka, kay bantayan Ko Ikaw.” Amen

Nanaug Ang Anak Sa Dios

Nanaug ang Anak sa Dios Aron sa pag-asdang,
Sa bandila sa pagdaug; Kinsa ang modala?
Ang andam sa pag-antus sa kasakit ni Jesus,
Mokuyog pagpas-an sa Krus Kinsa ang mosunod?

Ang unang mga matires way gikahadlokan,
Sa atbang sa lubnganan nagasalig kang Jesus;
Bisan gilutos na sila sa nga kaaway,
Nangayog pasaylo sa Dios; Kinsa ang mosunod?

Mga balaan nga kalag atua sa langit,
Sa atbang sa Ginoo malipayon na gayud;
Sa dakung alantuson ug sa mga kaguol,
Mingdangat na sila didto, Kinsa ang mosunod?

Hinaut unta nga kita mosunod kanila,
Sa pagdaut sa kadautan sa kalibutan,
Oh Dios ibubu na ang grasya, tabangi kami,
Aron kami makadaug Sa maayong pagsunod. Amen

Purongpurongan Sya (Crown Him with Many Crowns)

Purongpurongan ta, Korderong gamhanan, 
Langitnong mga pag awit pamati na kamo; 
Pag awit! Pagdayeg! Kay Sya ang namatay, 
Dayegon nato si Jesus, atong Manunubos. 


Purongpurongan ta ang Hari sa Gugma, 
Kanhi Sya gisamaran man dinhi sa mga tawo; 
Sa langit atua karon himayaon, 
Ug naga awit ang tanan sa Iyang katahum. 


Purongpurongan ta ang Haring may gahum, 
Sa langit ug sa yuta man gamhanan Sya karon: 
Pasidunggan Sya ang Manluluwas ta, 
Tahuron ta sa kataha si Kristong atong Dios. Amen

Sa Linibong Mga Tingog

Sa linibong mga tingog Ginadayeg si Jesus;
Kay naghari na ang gugma, malipayon ang tanan.
Sa langitnong lingkoranan Nagahari Sya gamhanan
Pagdayegon, pagdayegon Atong Hari si Jesus.


Hari sa kahimayaan, Purongan Ka nga dayon;
Way mahimulag Kanimo Sa mga linuwas Mo.
Magkalipay sila didto Sa atubang mo sa langit:
Pagdayegon, pagdayegon Atong Hari, si Jesus.


Dalia ang pag-abot Mo, Adlawng mahimayaon,
Nga sa tawag nga gamhanan
Langit, yuta mawala, Magaawit sa pagdayeg.
”Daygon Ka, O Hari namo!
Pagdayegon, pagdayegon Atong Hari si Jesus. Amen

Dinhi Makita Ko Ikaw

Dinhi makita ko na gayud Ikaw,
Dinhi mahikap ko sa pagtoo;
Dinhi ang grasya Mo nadawat ko
Ug ang kahago ko pas-anon Mo.


Dinhi makaon ko ang tinapay Mo,
Dinhi ang alak akong mainom;
Dinhi makuha ang kakapoy ko
Kay dinhi pasayloon Mo ako.


Takna sa piging dali moagi lang,
Ang panihapon mahuman gayud;
Apan ang gugma Mo nagapadayon
Niadtong makigsalo sa talad Mo. Amen.


Daghang pangilin moagi pa Ginoo
Pagpahinumdum niadtong gugma Mo;
Hangtod sa talad Mo didto sa langit.
Ako mokaon man sa luyo Mo. Amen

Daygon Ang Ngalan Ni Jesus

Dayga ang ngalan ni Jesus, binuhat nga tanan!
Purongan Sya nga Ginoo, Purongpurongan Siya
Purongan Sya nga Ginoo, Purongpurongan Siya!


Mga bitoon masidlakon, ilha ninyo Sya!
Magdayeg sa Iyang gahum, Purongpurongan Sya.
Magdayeg sa Iyang gahum, Purongpurongan Sya!


Makasasalang nalukat sa giulang dugo,
Pasalamatan ninya Sya, purongpurongan Sya.
Pasalamatan ninya Sya, purongpurongan Sya!

Kitaon Ta Si Jesus

Kitaon ta si Jesus kay ang landong
Sa kinabuhi buot modulom;
Iyang lig-onon maluyang pagtoo
Ug ang kasakit puypuyon Niya.


Kitaon ta si Jesus, ang malig-ong
patukoranan sa pagtoo ta;
Way makahimo pagbalhin kanato
Ning baruganan kong makita Sya.


Kitaon ta si Jesus kay ang dan-ag
Sa sugang, lain nagakapalong;
Sa panaw ta, kong wa na’y ikalamdag,
Di maguol, kang Jesus humangad.


Kitaon ta si Jesus ang Ginoo,
Kini lamang ang kinahanglan ta;
Kusog, kalipay ug ang kabubut-on
Pagadawaton kong makita Sya.


Kitaon ta si Jesus, Manluluwas,
Kay may pagdait kong makita Sya;
Sya namatay, nabanhaw, nanalipod
Adlaw sulud, ngitngit pabilin na. Amen

Ang Kalag Ko May Kahayag Na

Ang kalag ko may kahayag na, kalipay nga bug-os
Ang kangitngit akong likayan, Jesus ang suga ko.


Koro: May kahayag nga bulahan nga kanunay nagbanwag nako;
Nawong ni Jesus ang nagsidlak, ang kalag ko hayag na.


Ang kalag may kasadya na, pagday'g sa Hari ko;
Nanimati si Jesus karon sa alawiton ko.

Ang kalag ko may kabag-o na, kuyog sa Ginoo;
Madaitong kasingkasing ko, ug walay kaguol.

Ang kalag ko may kalipay na, pagtoo, paglaum;
Panalangin nga gihatag Nya, dinhi ug didto man

O Jesus Kanhi Tinamay

O Jesus kanhi tinamay, Hari nga dalaygon ka,
Namatay tungod kanamo paghatag sa kaluwasan;
Daygon Ka, Oh Manluluwas.
Magpas-an sa sala Tungod sa Imong paghalad
Nangabuhi na kami.


Ginahin ka nga Kordero Sa sala gibutangan,
Gugma ang dihug kanimo, Pagtubos gihingpit Mo;
Gipasaylo ang katawhan Sa gahum sa dugo Mo,
Ang Himaya man nabuksan, May pagdait, tawo ug Dios.


Daygon Ka, Jesus, sa langit, Daygon nga puloy-an Mo,
Sa tanan Ikaw yukboan Sa luyo sa Amahan,
Diin didto Ka nag-ampo Alang sa nakasala;
Sa kanunay nagahangyo, Nga kami mahilangit

Kon Unta Ikasulti Ko

Kon unta ikasulti kong Himaya ug pagkamahal Nga Iya ni Jesus.
Kabliton kong tulonggon ko Ug makiginding kang Gabriel
Sa huning matahum, Sa huning matahum.


Awiton ko ang dugo Niya Nga bayad sa akong kalag Tungod sa sala ko.
Awiton katarungan Nya Nga kung maoy isul-ob ko,
Mosidlak ang kalag, Mosidlak ang kalag.


Awiton ko ang gawi Niya, Ang gugma Nya nga daku, Labaw sa nga tanan;
Sa pag-ambahan, pagdayeg,Gihapon igasangyaw ko,
Aron mabantug Sya, Aron mabantug Sya.


Masadyang adlaw moabut, Nga sa Dios dad-on na ako, Ug Sya Makita ko;
Unya uban sa Abyan ko; Mamabulahan ko gayud
Tungod sa grasya Nya, Tungod sa grasya Nya

Pulong Katingalahan

Ang pag-awit sublion ta, Pulong katingalahan;
Palandungon ang katahum, Pulong sa kinabuhi.
Matahum nga Pulong, sa pagtoo nagtudlo;
Koro: Pagkatahum, pulong sa Dyos! Pulong sa kinabuhi.
Pagkatahum, pulong sa Dyos! Pulong sa kinabuhi.
Si Jesus nagahatag na, Pulong katingalahan;
Pamation sa may sala, Pulong sa kinabuhi.
Ang tanan ginatawag, nga kita mangaluwas.
Ang balita isangyaw na, Pulong katingalahan.
Ang sala pasayloon man, Pulong sa kinabuhi.
Bugtong Manluluwas, sagupa gihapon;

Sultihan Mo Ako, Oh Dios

Sultihan Mo ako, Oh Dios, aron magsulti ‘sab ako
Ingon nga nagpangita Ka, mangita ko sa nawala.


Lig-onon Mo ako, Oh Dios, aron makatabang ako
Niadtong mga nalunod sa dagku nga mga balud.

Tudloan Mo ako, Oh Dios, aron magtudlo ‘sab ako.
Ug mosantup ang pulong Mo sa kasingkasing sa daghan.

Ginoo, gamita ako, sa buot Mo bisan diin
Hangtud makita ko Ikaw, himaya hiaguman ko. Amen

Dugo Giula Ni Jesus

Dugo giula ni Jesus, Sa Krus gihalad Nya!
Ang kasakitan gipas-an Aron maluwas ako.


Tungod sa kasal-anan ko, Nag-antus Sya sa Krus!
Kalooy nga walay sukod Ug gugmang way tupong.


Dili hibayrang utang ko Sa kasub-anan ko;
Jesus, ihatag ko karon Ang kinabuhi ko. Amen

Sa Lungsod Sa Jerusalem

Sa lungsod sa Jerusalem May bukid sa gawas,
Diin gilansang si Jesus Sa pagl’was sa tanan.


Koro:

Tungod sa dakung gugma Nya Higumaon ta Sya;
Saligan ang dugo Niya Ug Siya tumanon ta.


Sya namatay aron kita Pasayloon sa Dios’
Himaya ang dangatan ta Tungod sa Iyang dugo.


Dili gayud matugkad ta Ang kasakitan Nya,
Apan tungod kanato lang Nag-antos didto Sya.


Way lain nga makalukat Kanato sa sala;
Sa langit Sya makabukas Ug mosulod kita. Amen

Adlaw Sa Pagkabanhaw

Adlaw sa pagkabanhaw, Inyong imantala!
Ang Pasko sa kalipay, Ang pasko man sa Dios;
Gikan sa kamatayon Ngadto sa kinabuhi,
Si Kristo madaugon Kanato magdala.

Ulayang kasingkasing Aron makita ta
Ang Ginoo nga dayon, Sa Iyang himaya;
Ug sa pagpatalinghug Sa mga pulong Niya,
Ang Iyang pagkabulahan Maoy kadaugan.

Pag-awit kalangitan, Ang yuta magtubag!
Pag-awit kalibutan, Pumupuyong tanan,
Ang makita ug dili, Ang tingug pag-usahon:
Si Kristo ang nabanhaw! Kalipay nga dayon! Amen

Si Jesus Karon Nabanhaw

Si Jesus karon nabanhaw, Aleluya!
Adlaw ta nga madaugon, Aleluya!
Gipalansang Sya sa Krus, Aleluya!
Paglukat Sya nagaantus, Aleluya!


Awiton ta ang pagdayeg, Aleluya!
Sa atong langitnon Hari, Aleluya!
Ang lubnganan gidaug, Aleluya!
Paglukat sa kalapasan, Aleluya!


Mga kasakitan Niya, Aleluya!
Nagkab-ot sa kaluwasan, Aleluya!
Sa taas naghari Sya, Aleluya!
Didto giambahan na. Aleluya!


Atong Dios karon awiton, Aleluya!
Pagadaygon Sya nga dayon, Aleluya!
Ang Baang Trinidad, Aleluya!
Pagdaygon Sya gihapon, Aleluya. Amen

Nabanhaw Ang Manluluwas Ko

Naghigda sa lubong Ang Manluluwas,
Ang pagkabanhaw N’ya ginahulat.

Koro:

Nabanhaw Sya sa lubong
(Nabanhaw)
Ang kaaway Nya gidaug na
(Daug na)
Ang gahum sa kangitngitan gidaug.
Sa mga balaan magahari Sya.
Buhi na!
(Buhi na)
Nabanhaw!
(Nabanhaw)
Daygo nato si Jesus. Amen.


Ilang gibantayan Ug gitiman-an
Ang lubong sa akong Manluluwas.

Ang lawas ni Jesus wala madunot,
Nabukas ang lubong sa Ginoo!

Krus Ni Kristo Akong Himaya

Krus Ni Kristo Akong Himaya Sa tanang katuigan,
Lamdag sa Diosnong kaagi Natingub sa Iyang Krus.


Kung ang kaguol modangat, Ang paglaum mawagtang,
Niadtong Krus ako motutok, Nagsidlak sa kalinaw.


Kung ang adlaw sa kalipay Nagdan-ag sa dalan ko,
Labi pa ang Krus mohayag Ang suga sa panaw ko.

Pagmaya kon kasakitan Ginabalaan sa Krus;
May kalinaw’ng way paghunong Ug kalipay nga dayon. Amen

Gabii Sa Getsemane

Gabii sa Getsemane, Mangiob kabitoonan;
Sa tanaman nag-usara Nag-ampong Manluluwas ta.

S’ya gitalikdan sa tanan, Sa kaguol nakigdumog;
Bisan tinun-an Nyang mahal Mibiya kaniya usab.

Sa kalapasan sa uban, S’ya nagahilak sa dugo,
Apan sa Iyanng pagluhod Wala pasagdi Siya sa Dios.

Gikan sa kahitas-an man, Dihay nag-awit nga angel;
Honing wa mabati sa tawo Nga nagalipay kang Jesus. Amen

Gabii Sa Getsemane

Gabii sa Getsemane, Mangiob kabitoonan;
Sa tanaman nag-usara Nag-ampong Manluluwas ta.

S’ya gitalikdan sa tanan, Sa kaguol nakigdumog;
Bisan tinun-an Nyang mahal Mibiya kaniya usab.

Sa kalapasan sa uban, S’ya nagahilak sa dugo,
Apan sa Iyanng pagluhod Wala pasagdi Siya sa Dios.

Gikan sa kahitas-an man, Dihay nag-awit nga angel;
Honing wa mabati sa tawo Nga nagalipay kang Jesus. Amen

Kung Palandungon ko ang Krus

Kung palandungon ko ang Krus Nga gikamatyan ni Jesus,
Ang akong buhat way pulos; Batonan kong pagpaubos.


Kuhaa ang pagpangandak Gawas sa Krus ni Kristo lang;
Ang makahaylo nga butang Sa dugo Nya ihalad ko.


Gikan sa ulo ug kamot Gugma’g kasakit natingub;
Nahitabo ba ang ingon Nga ang korona tunukon?


Kung tanang yuta ako man, Sa halad kulang pa kini;
Gugmang balaan ug daku Naghagit sa akong tanan. Amen

Ubos Sa Krus Ni Kristo

Ubos sa krus ni Kristo Motindog na ako,
Ang landong sa lig-ong Bato Sa tanang kahago;
Sa kamingawan puluy-an Ug pahulayanan.
Sa kainit nga makutas ug kabug-aton ko.


Diha sa Krus ni Kristo Pagasud-ongon ko,
Ang dagway nga himalatyon Tungod lang kanako;
Busa sa dakong kasubo, Mosugid na ako,
Sa gugmang nagapaubos, Ug kasal-anan ko.


Ang Krus ni Jesu-Kristo Maoy dalangpan ko,
Kahayag lang sa nawong Nya Ang pangitaon ko;
Pasagdan ko tanang dungog, Bahandi man usab;
Talikdan kong akong sala, Ang Krus himaya ko. Amen

Ang Lungsod Nga Balaan

Ang lungsod nga balaan Nga gilaktan ni Jesus.
Nasulat sa basahon Ang mga tinagoan.
Gipanamastamasan ug gipakaulawan
Ang atong Manunubos sa katawhan nagtubos.


Dugay na nga panahon Naglakaw ang Ginoo,
Wala Niya baliha Ang kakapoy gidala.
Sa atong Manluluwas;
Hari sa kalangitan Ang balaan nga Jesus.

May usa ka gabii Nga ang bagyo mihuros;
Sa ibabaw sa balod Naglakaw Siya gayud,
Gipahunong ang hangin Sa gamhanang nga pulong,
Sa katawhan gisangyaw Ang gahum sa atong Dios.Amen

Dunay Halangdon Kalomo

Dunay halangdong kalomo Sa Manluluwas ta;
Masidlak purongpurong N’ya
May grasya nga hupong, May grasya nga hupong.


Walay kasama Sya gayud Sa mga tawong tanan;
Labaw ang Iyang katahum
Sa langitnong panon, Sa langitnong panon.


Hingkit-an ang kasubo ko, Ug Iyang giwala;
Gipas-an pa gayud ang krus
Ug ang kasakit ko Ug ang kasakit ko.


Kalipay, kinabuhi ko, Siya ang Tuburan;
Ang kamatayon gidaug,
Lubnganan man usab, Lubnganan man usab.


Tungod sa dakong gugma Mo, May panalangin ko;
Kong libo pa ang lawas ko, Kanimo ihalad ko. Amen

Oh Gugma Nga Way Paglubad

Oh gugma nga way paglubad, Kanunay nagtubod;
Bisan kanunay gihalad, Dili man mohubas.

Di kinahanglan paglupad, Pagkab-ot kang Jesus;
Way kahiladman nga takus, Kanya makalumos.

Matam-is ug malomo S’ya Ug dayong tabang ta;
May pakig-ambit man kita Kan’ya sa pagtoo.

Makabulong ang bisti N’ya Sa ato nga sakit,
Sa kaguol ug kasubo Nagpuypoy man Siya.

Oh Dios ug Magtotoon Ka Kanamo nga tanan;
Kanimo maminaw kami, Sulondon namo Ka. Amen

Angeles Gikan Sa Langit

Angeles gikan sa langit, sa yuta lupad kamo;
Sa pagtukod sa sinugdan nagdayeg kamo sa Dios,
Dumuol, simbahon ninyo among Hari nga natawo.

Magbalantay sa kaumahan nga nagbantay sa panon,
Dios mitipon sa katawhan, si Jesus nga suga ta
Dumuol, simbahon ninyo among Hari nga natawo.

Oh kamo, manggi-alamon, may tan-awon sa layo;
Sa handum sa kanasuran magpangita na kamo.
Dumuol, simbahon ninyo, among Hari nga natawo.Amen

May Langitnong Pag awit

May langitnong pag awit bitoon usab,
May paghilak sa Bata nga bag-ong natawo;
Ang bitoon misiga sa may awit pa,
Kay ang Hari giduyan didto sa Belen.

Hugyaw nga sa kalipay tungod sa natawo,
Ang Anak ni Maria, Ginoo gayud;
Oh bitoon, masiga ug may awit pa,
Kay ang Hari giduyan didto sa Belen.

Sa bitoon gimutyang katuigang tanan,
Gitugub man sa awit ang kalibutan;
Ang tanang kasingkasing nagsangyaw gayud,
Kay kanila naghari karon ssi Jesus;

Sa kahayag ug awit maglipay ta,
Gipalanog ang honi sa Diosnong panon;
Matahom nga balita igasinggit ta
Ug magsugat sa Hari, ang batang Jesus. Amen

Gabiing Malinaw

Gabiing malinaw, madulom ang tanan,
Gawas lang sa batang Jesus Nga gibantayan nila
Sa langitnonng kalinaw: Ni-ang Mesias karon.


Hingpit nga kalinaw, masulaw ang tanan!
Magbabantay nagdungog Sa pag-awit langitnon.
Dalaygon ang Dios! Ni-ang Mesias karon.


Gabiing balaan, Bitoon nagtultol Sa maalam mga tawo
Nga mosimba kang Jesus Nga natawo karon,
Ni-ang Mesias karon.


Hingpit nga gabii, Bitoong masilaw,
Ngari ug awiton ta Aleluya kang Jesus!

O Pagkamalig-ong Patukuranan

O pagkamalig-ong patukuranan.
Gitukod karon sa pulong sa inyong Dios,
Unsa pay isulti labaw pa sa ginasulti
Kaninyo nga nagsalig kang Kristo Jesus,
Kaninyo nga nagsalig kang Kristo Jesus.

”Dili ka mahadlok; Ako ang nagakuyog,
Ako imong Dios nga nagatabang gayud,
Ako kang lig-onon nga dili ka mapukan
Tinuboy ka sa Akong gamhanan nga kamot
Tinuboy ka sa Akong gamhanan nga kamot.”

”Kung patabukon ka sa lalum nga suba
Dili ka ianod sa sulog makusog:
Ako mouban sa pagtabang ug paglipay,
Tanan mo nga kasakit pagbalaanon Ko Tanan mo nga kasakit balaanon Ko.”

”Kalag nga Kang Kristo Jesus nagpauraray,
Dili, dili Ko igasalikway gayud;
Nianang kalag, bisan gukdon sa kaaway
Ako magaluwas ug magbantay sa gihapon
Ako magaluwas ug magbantay gayud.” Amen

DUOL KAMONG TANAN

Duol na kamo nga tanan ug magkalipay,
Duol na kamo sa lungsod sa Belen;
Natawo ang hari sa manulonda.

Kuro:

Halaran ta si Kristo! Halaran ta si Kristo!
Halaran ug simbahon si Kristo Jesus! Amen

Nagapakataw Siya, bugtong anak sa Dios,
Dawaton ta sa kalipay ang Ginoo:
Ang pulong sa Dios Amahan ginamantala.

Mag-awit sa langit, ang mga manulonda,
Langitnon nga lungsuranon maninggit!
Ang Dios himayaon sa mga kahitas-an

Monday, March 8, 2010

Magmalipayon Ang Tanan

Magmalipayon ang tanan, Natawo na si Jesus!
Andamon ang tanan karon Sa pagdawat sa Hari ta.
Mag-awit ang tanan, yuta ug langit man!
Mag-awit, mag-awit ang tanan.

Magmalipayon ang tanan, Maghari si Jesus’
Ang mga bukid ug walog, Ang kapatagan ingon man,
Sa awit mosabat, sa awit mosabat.
Sa awit, sa awit mosabat.

Ang kasubo ug ang sala, Langkaton ni Jesus’
Ang mga panalangin Nya Modangat sa tanang dapit,
Paglaglag sa sala, paglaglag sa sala
Isangyaw, isangyaw sa tanan.

Sa gugma magahari Sya Sa nasud nga tanan!
Ang katarungan nga hingpit, Ang gugma ug kalooy Nya,
Isangyaw sa tanan, isangyaw sa tanan,
Mag-awit! Mag-awit ang tanan! Amen

Sa Gabing Malinaw Nadungog

Gabing malinaw nadungog ang awit langitnon
Sa manulondang nanaug sa kahimayaan;
Maayong kabubut-on sa tanan nga mga tawo
Gihatag sa Ginoong Dios nga mahigugmaon.

Nagapakita pa sila, may awit langitnon,
Sa pagpahulay sa tanan nga dunay kaguol.
Sa kalibutang gikapoy awiton pa sila,
Ug tanang gibug-atan hupngon sa pagdait.

Tan-awa nga haduol na, ingon sa gitagna,
Ang panahong bulahan sa atong kaluwasan;
Kay didto sa Belen karon natawo si Jesus.
Sa pagpahayag sa tanan sa kalooy sa Dios. Amen

O Diyutayng Lungsod Sa Belen

Oh diyutayng lungsod sa Belen, daw nagakatulog
Nga napuno sa kalinaw ug kahayag man:
Apan sa kangitngitan naghayag ang Suga.
Tanang kahadlok, paglaum nagtipons sa Belen.

Sa sabakan ni Maria natawo si Jesus,
Ang manulonda nga daghan nagatukaw gayud;
Mga bitoong hayag, imantala karon.
Ang pagkatawo ni Jesus, sa lungsod sa Belen.

Ug sa kahilun halalum gihatag si Jesus,
Ingon man gihatag karon ang mga gasa Nya;
Wala ing igdulungog makabati gayud,
Apan kong malumo’ng tanan, si Kristo mosulod.

Balaang bata sa Belen, haria na kami;
Papasa ang tanang sala, king dughan puy-i na.
Amo karong nabati ang honing langitnon:
Ngari karon, Emmanuel, ug ubani kami. Amen

Niadtong Gabii Sa Patag

Niadtong gabii sa patag, Ang mga magbalantay
Naglantaw sa kahayag sa Himayang langitnon,
Himayang langitnon.

Nakita nila ingon man Sa kalangitang hayag,
Ang Diosnong angel nag-awit
Balitang matuod. Balitang matuod.

Ug nabatian nila man ” Dili kamo mahadlok,
Kay akong gidala karon Kalipay nga daku,
Kalipay nga daku.”

”Makita ninyo si Jesus, Ang atong manluluwas;
Sa lungsod didto ni David
Nataw Siya karon, Nataw Siya karon. Amen

Pamatia Ang Balita

Pamatia ang balita, Ang himayang langitnon;
Ang pagdait ug ang gugma Gipahayag na sa Dios.
Mag-awit ang kayutaan, Duyog man ang kalangitan;
Imantala ang bug-os; Natawo ang Manunubos;
Alawitong langitnon: ” Himayaon sa Jesus!”

Ginasimba na sa langit, Ang Ginoo nga dayon,
Ming-anhi dinhi sa yuta, Sa kahimtang nga kabus.
Sa unod nagatakuban, Ang Dios nagapakatawo!
Dakung kahibulongan:
Si Jesus ang, ang Emmanuel!
Alawitong langitnon: ” Himayaon si Jesus”!

Hari Sya sa pakigdait, Ug sa katarungan man,
Kinbuhi ug kahayag, Si Jesus sa nga tanan.
Ang himaya gitalikdan Sa pagluwas sa katawhan.
Ginahatag na sa tawo, Kinbuhi nga bag-o;
Alawitong langitnon: ”Himayaon si Jesus.” Amen

Oh Magbalantay Ka

O Magbalantay Ka Sa kabataan man,
Higugmaon; Kristo, Oh Hari Ka,
Nga ginahandum pa,
Ikaw ang awiton Namong tanan.


Among balaan Ka, Pulong ikaw sa Dios,
Dayegon Ka, Ikaw nagpaubos,
Sa Imong pagtubos
Nga naluwas kami Nga sa sala


Mando Ka sa tanan, Bantay gihapon man, Gabayan pa.
Jesus, Kristo sa Dios, Among Himaya Ka
Ug tolohoan man Haring Jesus. Haring Jesus. Amen

Mangadto Na Kita

Mangadto na kita, Nga may gugma sa Dios,
Kalipay ta ipadayag Sa pagdayeg Kaniya.


Pasagding way awit, Ang walay pagtoo;
Mga harianon nga anak Kalipay magsangyaw.


Maghatag atong Dios Sa panalangin Nya,
Sa di pa muabot kita sa dalang bulawan.


Nan, palanugon ta, Ang mga awit Niya,
Kay naglakat kita karon, Sa yuta ni Jesus. Amen

Ang Puangod Sa Dios Nato

Ang puangod sa Dios nato Lapad ingon sa lawod;
Katarungan maluloy-on Labaw sa kagawasan.


Atong mga kasub-anan Giduyogan sa langit,
Ug ang mga kasaypanan Sa kaluoy gihukman.


May igo nga kaluwasan Sa giula Nyang dugo.
Ug ang tanan may kalipay Tungod sa pag-antos Nya.


Kung tim-os lang atong gugma Pulong Nya saligan ta,
Ug kita magapanidlak Sa katam-is ni Jesus. Amen

Si Kristo Giawit Ta

Si Kristo giawit ta, Kaniya dad-on ta
Ang katawhan; Ang mga naguol,
Ang gibug-atan man, Masulob-ong tanan,
Lipayon Nya.


Si Kristo giawit ta, Kanya iampo ta
Ang katawhan; Ang nahisalaag,
Ulipon sa sala, Tinubos sa gahum,
Way kalisang.


Maghiusa kita, Pag-awit kang Kristo Sa katawhan;
Sa buhat pagtabang, Pagbasol antuson,
Pagpas-an man sa krus Sa atong Dios. Amen

Pagaharian Ni Jesus (Jesus Shall Reign Where’er The Sun)

Pagaharian ni Jesus Tanang sidlakan sa adlaw:
Wala’y utlanan lungsod Nya, Way katapusan man usab.


Pagaampuan Sya gayud, Ug pasidunggan man usab;
Pagahalaran Ngalan Nya,Sama sa halad nga humot.


Sa katawhan nga tanan Pagadaygong gugma Nya,
Ug igabutyag sa tanan Ang iyang ngalan nga mahal.


Kon asa magahari Sya, May panalanging dagaya;
Ang binilanggo buhian, Papahulayong gikapoy.


Ang tanan nga gibuhat Nya Sa Hari magpasindungog,
Moawit ang manulonda; ”Amen” ang yuta motubag. Amen

Tabangi Na Kami

Tabangi na kami, Oh Dios nga gamahanan
Sa pagdayeg; mahimayaon Ka.
Ug silimbahon man.
Harian Mo kami, Oh Amahan.


Kristo nga Pulong sa Dios,
Sa Imong kagahum, Modaug Ka!
Panalangini na ang gingharian Mo
Komunsad ka karon sa lungsod Mo.


Espiritu sa Dios, Ang Maglilipay Ka, Hupnga kami.
Pun-a sa gugma Mo, Sa langitnong gahum,
Lamdagi ang tanan sa grasya Mo.


Oh Dios nga Amahan, Anak, Espiritu, Dayegon Ka!
Tugutan Mo, Oh Dios, Nga sa himaya Mo.
Mag-ambahan kami sa gihapon.

Sunday, March 7, 2010

Tuburan Sa Panalangin

Tuburan sa kinabuhi, sa pag-awit tudloi;

Sa kalooy Mo nga dayon takus nga pagdygon Ka;

Tudloi sa alawiton sa pagdayeg kang Jesus;

Ang dakong gugma Kaniya maoy gugmang tuburan.


Dinhi ato nga timan-an, ang pagtabang langitnon;

Kaniya kita, molaum ang himaya dangaton.

Gipangita ako Niya sa nahisalaag pa,

Ang dugo Nya giula alang sa akong sala.


Daku man ang akong utang, nakatabang grasya Mo:

Imong gugma di mabugto nga kanako naghigut.

Hilig ako paghisa-ag ug sa pagpasaylo Mo;

Kasingkasing ko ulaya, Oh Jesus nga may gahum. Amen

Simbahon Ang Hari

Simbahon ang Hari sa katawhan,
Ang Diosnon nga gugma awiton ta;
Atong magbalantay, Kalasag Siya,
Sa dakong himaya ang puloy-an Nya.

Maghisgut kita, sa gracia Nya,
Nasul-oban Sya sa silawng daku;
Ang dag-um mangingit, salakyan Niya
Sa pko sa bagyo Siya naglupad.

Sa Imong pagbantay ug pagtagad,
Way pulong tawhanon makasaysay;
Sa bukid, sa patag, sa dagat usab,
Sa init ug ulan miamyon kini.

Mahuyang kaming anak sa abog,
Kanimo kami nagasalig karon;
Daygon ug malomo ang kalooy Mo,
Among Magbubuhat, Manunubos pa. Amen.

Santo! Santo! Santo! Dios Na Gamhanan

Santo! Santo! Santo! Dios nga gamhanan

Magaawit ang tanan sa kabuntagon pa;

Santo! Santo! Santo! Dios nga maluloy-on!

Tulo ka personas, usa ra ka Dios!


Santo! Santo! Santo! Dios silimbahon!

Tanan nga balaan diha sa tiilan mo:

Mga manulonda nagyukbo Kanimo.

Dios way sinugdanan, way katapusan.


Santo! Santo! Santo! Sa Imong himaya

Dili man makakita ang makasasala;

Walay laing putli, kon dili ikaw ra

Hingpit, matarong, mahigugmaon.


Santo! Santo! Santo! Dios nga gamhanan!

Tanang mga buhat Mo Kanimo nagdayeg:

Santo! Santo! Santo! Dios nga maluloy-on! Amen