Ang Kalag Ko May Kahayag Na (There Is Sunshine in My Soul Today)

Ang kalag ko may kahayag na, kalipay nga bug-os

Ang kangitngit akong likayan, Jesus ang suga ko.

Koro: May kahayag nga bulahan nga kanunay nagbanwag nako;

        Nawong ni Jesus ang nagsidlak, ang kalag ko hayag na.

Ang kalag may kasadya na, pagday'g sa Hari ko;

Nanimati si Jesus karon sa alawiton ko.

Ang kalag ko may kabag-o na, kuyog sa Ginoo;

Madaitong kasingkasing ko, ug walay kaguol.

Ang kalag ko may kalipay na, pagtoo, paglaum;

Panalangin nga gihatag Nya, dinhi ug didto man.

music: https://bit.ly/2Z9udkW

Pagadaygon Ka Ginoo (Joyful Joyful We Adore Thee)

Pagadaygon Ka, Ginoo, ug awitan sa tanan

Pagsimbahon Ka, Ginoo, sa mga binuhat Mo.

Pasalamatan Ka, O Dyos, daghang nangahimo Mo

Ang Imong  mga binuhat pagmandoan Mo, O Dyos.

Magbubuhat nga gamhanan, sa kalipay daygon Ka.

Grasya ilang matagamtam, kaluwasan man usab.

Alang sa Imong katawhan, sa ila nga pagpuyo,

O hugponga ang pagbati, binugkos sa gugma Mo.

Ang Imong mga katawhan, kinaiyahan usab.

Sa kalipay ug kadasig, pagaalagaron Ka.

Gugma Mo ilang mabati, kahupnganan sa tanan;

Magpadayon sa pagsangyaw sa pagkagamhanan Mo.

Sa kalipay magadayeg Kanimo karon, O Dyos,

Magpadayon sa gihapon, pagsangyaw sa gugma Mo,

Paghingpiton Mo, Ginoo, alang sa himaya Mo,

Magpabilin sa kalipay, pagadaygon Ka, O Dyos. Amen.  

music: https://bit.ly/2VkhkTW

 

Oh Dios Sa Among Mga Amahan (God of Our Fathers)

Oh Dios sa among mga amahan, 

Nga sa kamot Mo ginamando-an

Tanang mga bitoon masulaw,

Among pag-awit gituboy karon.

Kanhi nagmando namo’ng gugma Mo,

Gipili kanamo king dapit;

Maghari ug magtultul unta Ka,

Ug ang balaod ma’ong pulong Mo.

Sa gubat sa kamatay ingon man, 

Imong kamot maoy manalipod;

Ang tinuohan Nimo magdaku 

Ug sa pagdait hupngon Mo kami.

Papahulaya kining lungsod Mo,

Ug sa kahayag mandoi kami;

Pun-a kami sa gugma’g grasya Mo

Ug ang pagdait Maimo gayud. Amen.

mp3