Mandoi Kami, Jesus, Sa Gugma (Saviour Like A Shepherd Lead Us)

Mandoi kami, Jesus, sa gugma
Ug Imo nga andaman;
Sa langitnon nga mga kalan-on
Ug puloy-an hatagi.

Koro:
      Oh bulahang Manluluwas,
      Kami Imong gilukat;
      Oh bulahang Manluluwas,
      Kami Imong alagad.

Ikaw nagasaad sa pagdawat,
Bisan dautan kami;
Ang Imong kalooy magaluwas
Ug sa sala mohugas.

Sayo pangitaon ang kalooy,
Sundon kabubut-on Mo;
Manluluwas namong ulosahon,
Sa gugma busga kami.

O DIOS, ANG DALANGPANAN KA (Our God, Our Help In Ages Past)

O Diyos, ang dalangpanan Ka,
Paglaum sa tanan,
Ang salipdanan ko Ikaw,
Puluy-ang dayon ko.

Sa landong sa himaya Mo,
Puluy-ang lig-on ko,
Ang makusganong bukton Mo,
Ang salipdanan ko.

Sa wa pang kalibutan Mo,
Ikaw na’ng among Dyos,
Sa kaniadto ug karon,
Sa kahangturan pa.

O Diyos, ang dalangpanan Ka,
Paglaum sa tanan,
Panalipod sa kalisud,
Ug dayong puluy-an.    Amen.

Pagkabulahang Pagsalig Ko (Blessed Assurance)

Pagkabulahang pagsalig ko,
Ang mananabang ko si Jesus;
Mahimayaon akong kalag,
Iyang dugo ang nagatubos.

       KORO:
       Kini ang asoy ug awit ko,
       Ang manluluwas dayegon ta,
       Kini ang asoy ug awit ko,
       Ang manluluwas dayegon ta.

Kining pagsalig, kalipay ko,
Makita kong himayang dayon;
Gikan sa langit nasangyaw na,
Ang dakong gugma sa akong Dios.

Makapahulay ang nagsugot,
Uban kang Jesus mabulahan;
Sa paghulat ko ug pagtukaw,
Sa Iyang gugma pun-on ako.

Oh Jesus, Hingpit Nga Gugma (Love Divine, All Loves Excelling)

I.

Oh Jesus, hingpit nga gugma ug kalooy sa tanan,

Mopuyo ikaw ning dughan ug panalingini ako.

Maloloy-on Ka, Oh Kristo putling gugma man Ikaw;

Ang mga mahinulsolon, luwason Mo ang tanan.

II.

Sa Espiritu sa gugma, tugahi karon kami,

Ang tanan nga masulob-on papahulayon Mo man.

Kaibug sa kahilayan, O Jesus papason Mo;

Ikaw ra’ng among paglaum, pagawson Mo na kami.

III.

Imong saad mamatuman sa pagputli sa tanan,

Ang pagluwas Mo mahingpit, kon kami maputli na.

Himoa kami Ginoo, ingon sa himaya Mo,

Hangtud lumuhod sa langit among pagdayegon Ka.

Si Jesus Atong Abyan (What a Friend We Have in Jesus)

I.

Si Jesus ang atong Abyan,

Sa sala ta nagpas-an;

Ang tanan mahimo nato

Sa pag-ampo kang Jesus.

Ang kalinaw ta mahanaw,

Ang kasakit modako,

Kay dili kita kanunay

Magaampo kang Jesus.

II.

Kon adunay kalisdanan,

Pagpanulay, kaguol,

Di kita magamaluya,

Kang Jesus ig-ampo ta.

Abyan Syang matinumanon,

Sa kasakit modala,

Sa kaluya ta nasayod;

Ampoan ta si Jesus.

III.

Kung maluya ang kalag ta,

Natugob sa kaguol,

Sya ang atong Dalangpanan,

Magaampo kang Jesus.

Kung sa atong mga abyan,

Ginatamay man kita;

Modangop kang Jesus lamang,

Magaampo Kaniya.

Kuyog Kristohanon (Onward Christian Soldiers)

Kuyog Kristohanon sa panggubatan!

Ug ang krus ni Kristo una sa tanan.

Si Jesus pangulo, Magmamando ta,

Padayon sa bugno, ang bandila dad-on ta.

Koro:

Kuyog Kristohanon kay may gubat pa!

Ug ang krus ni Kristo una sa tanan.

Gamhanang Iglesya, magpadayon ka,

Sa balaang dalan nagsunod kita;

Wa’ kita mabahin, hiusang tanan,

Sa pagtoo ug sa gugma usa lang kita.

Mga gingharian may pagkapukan,

Ang way katapusan Iya ni Jesus;

Wa’ kita mabahin, hiusang tanan,

Kay dili mabunkag ang saad sa atong Dios.

Busa magpadayon kita nga tanan,

Isinggit ang tingog sa pagsaulog;

Dungog ug himaya alang kang Jesus,

Ngalan N’ya awiton ug dayegon sa tanan.

Gikinahanglan Ka (Prayer Response)

Akong gikinahanglan

Sa tanang panahon;

Ako panalangini

Moduol ako.

Simbahon Ang Hari (O worship The King)

Simbahon ang Hari sa katawhan,

Ang Diosnon nga gugma awiton ta;

Atong magbalantay, Kalasag Siya,

Sa dakong himaya ang puloy-an Nya.

 

Maghisgut kita, sa gracia Nya,

Nasul-oban Sya sa silawng daku;

Ang dag-um mangingit, salakyan Niya

Sa pako sa bagyo Siya naglupad.

 

Sa Imong pagbantay ug pagtagad,

Way pulong tawhanon makasaysay;

Sa bukid, sa patag, sa dagat usab,

Sa init ug ulan miamyon kini.

 

Mahuyang kaming anak sa abog,

Kanimo kami nagsalig karon;

Dayon ug malomo ang kalooy Mo,

Among Magbubuhat,  Manunubos pa. Amen.

Magpugas Sa Buntag (Bringing In the Sheaves)

Magpugas sa buntag ug sa kahapunon,

Buhat sa kalooy, magpugas kita;

Maghulat sa ani sa dakung kalipay,

Dili na madugay nga anihon ta.

KORO

Ang alanihon, ang alanihon

Sa dakung kalipay dad-on na karon.

Magpugas sa hayag, magpugas sa landong,

Sa walay kahadlok sa dangatan ta;

Dili na madugay moabut kanato

Sa dakung kalipay ang alanihon.

Bisan pa may luha bisan may kasakit,

Alang sa Ginoo magpugas kita;

Kon buhat matapos, Iyang pahulayon,

Sa dakung kalipay ang alanihon.

Ubos Sa Krus Ni Kristo (Beneath the Cross of Jesus)

Ubos sa krus ni Kristo Motindog na ako,

Ang landong sa lig-ong Bato Sa tanang kahago;

Sa kamingawan puluy-an Ug pahulayanan.

Sa kainit nga makutas ug kabug-aton ko.

Diha sa Krus ni Kristo Pagasud-ongon ko,

Ang dagway nga himalatyon Tungod lang kanako;

Busa sa dakong kasubo, Mosugid na ako,

Sa gugmang nagapaubos, Ug kasal-anan ko.

Ang Krus ni Jesu-Kristo Maoy dalangpan ko,

Kahayag lang sa nawong Nya Ang pangitaon ko;

Pasagdan ko tanang dungog, Bahandi man usab;

Talikdan kong akong sala, Ang Krus himaya ko. Amen


music: https://bit.ly/2VEFatN

Santo! Santo! Santo! (Holy, Holy, Holy)

1. Santo! Santo! Santo! Dios nga gamhanan
    Magaawit ang tanan sa kabuntagon pa;
    Santo! Santo! Santo! Dios nga maluloy-on!
    Tulo ka personas, usa ra ka Dios!

 2. Santo! Santo! Santo! Dios silimbahon!
    Tanan nga balaan diha sa tiilan mo:
    Mga manulonda nagyukbo Kanimo.
    Dios way sinugdanan, way katapusan.

3. Santo! Santo! Santo! Sa Imong himaya
    Dili man makakita ang makasasala;
    Walay laing putli, kon dili ikaw ra
    Hingpit, matarong, mahigugmaon.

 4. Santo! Santo! Santo! Dios nga gamhanan!
     Tanang mga buhat Mo Kanimo nagdayeg:
     Santo! Santo! Santo! Dios nga maluloy-on!
     Tulo ka personas, usa ra ka Dios! Amen

 music: https://bit.ly/2ZEse8x